Aksjekursen til Nordic Mining stuper på Oslo Børs måndag morgon, samstundes som miljøorganisasjonane krev at statsminister Jonas Gahr Støre grip inn og stansar gruvedumpinga i Førdefjorden.

Etter ein fersk børsmelding måndag, der gruveselskapet opplyser at dei har henta inn eksterne rådgivarar for å sjå på den langsiktige økonomiske strategien sin, falt aksjen med nesten 27 prosent.

Børssmellen kjem samstundes som Naturvernforbundet og Natur og Ungdom har sendt eit hastebrev til statsministeren.

Dei krev at Støre overkøyrer Klima- og miljødepartementet, som nyleg gav selskapet løyve til å halde fram med dumping av gruveavfall i Førdefjorden.