Bertako eta sasoiko elikagaiek zapore aparta eskaintzeaz gain, gure lurraren historia, kultura eta osasuna ere islatzen dituzte. Horregatik, Kimubaten 'Bertatik Mahaira' showcookinga antolatu da. Irailaren 17an (osteguna) izango da saioa, 18:00etan. Plazak mugatuak dira, beraz, aurrez eman beharko da izena. « Ikasteko, inspiratzeko eta bertako produktuei beste begi batzuekin begiratzeko aukera paregabea» izango dela diote antolatzaileek.

Saioan, Anne Otegi sukaldariak, garaiko produktuekin errezeta erraz, osasungarri eta goxoak prestatuko ditu zuzenean. Sukaldaritzako trikimailu eta aholku praktikoak partekatuko ditu, etxean ere erraz aplikatzeko moduko ideiekin.

Bestalde, Aitziber Aizpuru nutrizionistak produktu horien nutrizio-balioa azalduko du, zergatik aukeratu bertako eta sasoiko elikagaiak, nola konbinatu eta nola txertatu eguneroko elikaduran modu osasungarri eta orekatuan zehaztuz, alegia.

Izen-ematea garden@kimubat.eus edo 697250292 telefono zenbakira deituta egin daiteke. Tailerraren prezioa 25 euro da eta Kimubaten, Urrestillara bidean, eskainiko da. Plazak mugatuak dira.