15/09/2026 a las 17:52h.

Datorren igandean, irailak 20, Buruntzaldea inguruan emango dio hasiera Izadi Zaleak Mendi Elkarteak 2026-2027 denboraldiari. «Hernanin hasi eta Oindi eta Adarra tontorrak igo ondoren, Andoainen bukatuko den 19 kilometroko ibilbidea egingo dugu», aurreratzen dute.

Urriak 3 eta 4ko asteburuan Pirineotara egingo dute irteera. Tena bailaran zehar ibiliko dira bi egunetan zehar. Larunbatean, Anayet inguruan egingo dute mendi buelta eta igandean Aspe inguruan. Irteera honetan plazak mugatuak dira eta izena emateko azken eguna irailaren 24a izango da.

Familia irteerak ordea, urriaren 11n hasiko dituzte Araba aldean, Legutiotik Otxarreta kobarako bidea eginez.

Izadi Zaleak elkartearen ekintzetan izena eman edo informazio gehiago eskuratu nahi izanez gero whatsapp bidez 943731168 zenbakian, posta bidez izadifederatuak@gmail.com helbidean eta presentzialki astearte eta ostegunetan 18:30tik 19:30etara elkartearen egoitzan egin daiteke.

Aldi berean , irteera hauen eta ondorengoen informazio guztia www.izadi-zaleak.eus webgunean topa daiteke.