27/08/2026 Actualizado a las 12:23h.

Andoni Galarraga getariarra omenduko dute ostiral honetan, irailak 28, Iraetako futbol zelaian bertan jokatuko diren partiden bitartez. 2021ean hil zen getariar gaztea, eta orduz geroztik urtero oroitzen dute lagunek eta senideek futbol zelaian, izan ere, Zestoa Futbol Taldeko jokalaria izan zen Galarraga.

Lagunarteko bi partida jokatuko dituzte haren omenez, arratsaldeko 18:00etan hasita. Aurrenekoa Zestoa eta Getariako jokalari ohien eta lagunen arteko partida izango da. Batzuk Andoni berarekin jokatutakoak izaten dira eta partida osop bitxia suertatzen da gehienetan.

Hau amaitutakoan, bigarren neurketari ekingo zaio eta bertan, Zestoa Futbol Taldeko Gorengoen mailako taldearen eta Getariako Ketaren arteko norgehiagoka jokatuko da. Andoni omendu eta bide batez, aurredenboraldia prestatzeko baliagarrioa izaten da partida hau.

Getariako Keta gizonezkoen Gorengo Mailako bigarren multzoan kokatua dago denboraldi honetan eta liga Legazpian hasiko dute Ilintxaren aurka irailean.