06/07/2026 Actualizado a las 21:38h.

Itxasora joan bezain laster, getariarrak erakutsi dute aurtengo denboraldia berriro ikusgarria izango dela. Hirugarren jardunaldian garaipenaren borrokan ikusi ditugu Esperantzako mutilak.

Madrilen laugarren sailkatu ziren Eusko Label Ligako lehen estropadan eta larunbatean, Bilboko uretan erlojupeko bikain bat egin eta berriz, lau ollarren atzetik geratzen ziren.

Zaleak lasaitasun puntu bat izan zuten, denboraldi berri bat hasten denean inork ez daki non kokatuko den herriko ontzia eta larunbatean ikusi zen onenen artean kokatuta egongo dela.

Gauzak horrela, igandean itxasoko lehen estropada genuen, XLIII Bandera Petronor, eta bigarren txandan barruan dutena atera eta txanda nagusitasunez menderatu zuten.

Hondarribia bakarrik izan zen gai getariarren atzetik joateko baino alferrik, helmugan 11 segundoko aldea izan zen bien artean. Ezarritako denbora, 20:13,86, ona zen baina atzetik betiko lau traineruak zetozen txanda nagusian.

Lehen ziabogan Oriok bakarrik hobetzen zuen getariarren marka eta bigarrengoan Bermeok ere denbora hobea egiten zuen. Zierbena eta Donostiarra jokoz kanpo zeuden eta hirugarren postua eskura zuten Esperantzako arraunlariak. Azken ziabogan Oriok 11 segundo ateratzen zizkion eta Bermeok lau.

Azken luzea ikusgarria osatu zuten getariarrak zeren Bermeori helmugan 8 segundo ateratzen zizkion eta Oriokoak, aurreko txandako denbora bazekitenez, estutu eta azkenean bandera eskuratzen zuten 5 segundoko aldearekin.

Azken luzea ikaragarria egin zuten, erakutsiz indartsu daudela eta datorren larunbatean Castron XIV Bandera CaixaBank lehiatuko dute eta txanda nagusian gainera. Beti esaten dugu lau ollarren atzetik onenak direla gureak baina erne, aurten agian hauekin lehia dezakete.