Mankomunitateak ekainean aurkeztutako gobernantza eredu berria martxan jartzeko lehen urratsa egin zuen atzo. Eskoriatzako Ibarraundi Museoan egindako saioan, Debagoieneko Lankidetza Sarea osatzeko Hitzarmen Markoa aurkeztu eta eragileei berau sinatzeko gonbita egin zieten. Bestalde, Eraldaketa Ekosozialerako Kontseiluaren funtzionamendu araudia ere azaldu zuten.

Azken hilabeteetan, eskualdeko hainbat eragileren parte-hartzearekin landu dute eredu berria, Debagoieneko erronkei "modu koordinatuan eta ikuspegi partekatu batetik" erantzuteko. Azaldu dutenez, ereduak pertsonak jartzen ditu erdigunean, eta erakundeen, eragile ekonomikoen, gizarte-eragileen eta herritarren arteko lankidetza sustatu nahi du, eskualdearen garapen eta eraldaketa ekosoziala bultzatzeko. Orain, diseinu fasetik ekintzara igaro da prozesua, eta horretarako adostutako tresnak eta mekanismoak martxan jartzen hasi dira. Hala, atzoko saioa gobernantza eredu berriaren abiapuntua izan zen. 

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.

Harpidetza aukera guztiak