03/09/2026 Actualizado a las 15:48h.

Getariako Udalak antolatuta emakumeen zikloez eta osasun hormonalaz tailerra eskainiko du Zarautz Jauregian Garbiñe Larrea adituak. Datozen hiru hilabeteetan zehar egingo da tailerra, saio bana bakoitzean. Guztira beraz, hiru saioz osatuta egongo da tailerra.

Irailaren 15ean egingo da lehenengoa, urriaren 20an bigarrena eta azaroaren 17an hirugarren saioa. Bi orduko iraupena izango du bakoitzak, 17:30etik 19:30era.

Parte hartzeko beharrezkoa da aurretik izena ematea, eta aukera zabalik dago udaletxean. Irailaren 8a izango da inskripzioa egiteko azken eguna, eta plazak mugatuak izango dira, hamabost pertsonako muga jarri dute.