Txupinazoaren hotsarekin batera, hasi dira Berrobiko festak. Aurten eguerdiko 12:00etan piztu dute txupinazoa udaletxeko langileek udaletxeko balkoitik, festetako zapi morea lepoan zutela. Jarraian, buruhandiak atera dira haurrekin jolasteko.

Eguerdiko 12:30ean, tokan aritzeko hitzordua iritsi zaie eta bertan ibili dira bata bestearekin lehiatzen.

Amaitzean, 13:30ean, jubilatuen tartea iritsi da eskaini zaien hamaiketakoan eta indarrak berritu eta gero, 14:00etan, DJ Andoniren saioarekin dantzatu eta abestu dute pozik. Arratsalderako pilota partidak arrakasta handia izan dute bertaratu ziren jendearen artean. Arratsaldeko 18:00etan berriz, sagardo dastaketarako elkartu dira berrobiarrak.

Dantza egiteko aukera ere izan dute 18:30etik aurrera, Izer eta Narbaiza trikitilari eta panderojolearekin. Zahagi ardoaren ondoren, 23:00etatik aurrera, Andoni Ollokiegiren kontzertuan izan dute festetako lehenengo eguna ondo amaitzeko aukera.

Bihar ostirala, goizeko 10:30ean, umeentzako jolasak antolatu dituzte. San Agustin eguna dela eta Berrobin. Goizeko 11:00etan Meza nagusia izango da eta arratsaldean berriz, 15:30etik aurrera V. Futbito txapelketa antolatu dute eta 16:00etan, haurrentzako merienda. Gero, 19:30ean, DJ Trikitrack arituko da herri afaria hasi arte. Gauerditik aurrera berriz, Iratzar taldearekin erromeria izango da.

Larunbatean, 11:00etatik aurrera, puzgarriak egongo dira eta 12:00. arku-tiroa. Gero, giroa alaitzeko Bonberenea txaranga ibiliko da herrian barna eta 14:00etan, paella txapelketa izango da. Arratsaldean berriz, 17:00etatik aurrera, bingoa, euskara taldearen eskutik. Gauean, 23:30etan hasiko da Muxutruk taldearen erromeria eta 00:00etan, DJ Osto. Igandean, 11:30etik aurrera, txakolin dastaketa eta sardina jatea izango da. 15:30ean, mus txapelketa, Bide Ona elkartean eta 17:30ean, Herri kirolak izango dituzte festak ospatzen jarraitzeko.