Artisau Mahaiak eta Artiekin elkarteak antolatuta, artisau azoka egin zen Azpeitiko plazan pasa den larunbatean eta antolatzaileak «oso gustura» agertu dira herritarren aldetik izandako harrerarekin. «Goizetik jende ugari ibili zen postuetan eta salmenta ere ona izan zen, beraz, oso balorazio ona egiten dugu».

Antolatzaileek hala erabakita Kulturazeko kideekin adostuta zehaztu zuten hitzordua, Txisteratik magia egitasmoarekin bat, eta aipatzekoa dela adierazi dute, «horrek ere jende asko erakarri batzuen gurera», esan dute.

Bestalde, eguraldia lagun izanak ere hitzorduari beste disdira bat eman zion, izan ere, «justu dena jaso genuen unean egin zuen euritara eguraldiak eta horrek ere gure alde jokatu zuen», esan dute antolatzaileek.

Azpeitiko Artisau Mahaiak eta Artiekin artisau elkarteak antolatu zuten azoka, udalaren laguntzarekin. Denera, 21 artisauk jarrizituzten postuak plazan. Honakoak izan ziren: Aldaxka, Ametsen Txokoa, Amuki, Arroxa zeramika, Belargi, Belarri-Tako, Breuvery Land, Harri Hari, Ibon Elorri, Kirei bitxiak, Kiribil, Kiribilak, Kohpao Studio, Kosta itsas egurrak, Maik Bags, Mairi, Magnolia, Marabina, Miara, Oihele eta Sualma izan dira postuak jarri dituztenak.

Hurrengo Artisau Azoka abenduaren 19an egingo dutela aurreratu dute herriko artisauek eta data horretara begira eta Gabonak ere gertuan izanda, «herritarrak erosketak bertan egitera» animatu dituzte.